Nargilə Dursun qızı Qəribova
3 mart 1977-ci ildə anadan olmuşdur
Əməkdar artist

2001-ci ildə Azərbaycan Dövlət Mədəniyyət və İncəsənət Universitetinin “Dram teatrı və kino aktyoru” fakültəsini bitirmişdi. 2006-cı ildə həmin Universitetin “Magistratura” pilləsini bitirmişdir. 1999-2000-ci ilədək B.Xanızadənin rəhbərlik etdiyi “Dəli yığıncağı” pantomima teatr studiyasında, 2000-ci ildən etibarən isə Dövlət Pantomima Teatrında yüksək dərəcəli aktrisa işləyir. O, M.Füzuli (Leyli və Məcnun poemasının əsasında) «Gəldim ki olam gəmin hərifi», Ç.Aytmatov «Manqurt», Şeyx Əttar «Uçuş», M.Musabəyov «Şəngül, Şüngül, Məngül», B.Xanızadə «Pantomima Buketi» , «Şərqə səyahət», «Ömür yolu bircə andır», «Zibillik pərvanələri», «Kölgə», «Eşq», «Xəyal», «Anlaşılmazlıq», «Unutmayaq», «No comment», Ü.Hacıbəyli «Dulusçu», Z.Zeynalov «Maska», A.Ekzüperi «Balaca şahzadə», R.Akutaqava «Kesa və Morito», A.Məmmədov «Korlar», Ö.Arabul «Foto bahar», Xalq nağılı «Məlikməmməd», N.Qəribova «Adsız», Ə.Abdullayev «Çərçivə», Dədə Qorqud dastanı «Dəli Domrul», S.Bekket «Qaranlıq», B.Xanızadə «Unutmayaq», B.Xanızadə «No Comment» , N.Qəribova «Katarsis», A.Ekzüperi «Balaca Şahzadə», Ç.Aytmatov «Manqurt», U.Şekspir «Hamlet», B.Xanızadə «Adagio» tamaşalarında oynamışdır.
Nargilə Qəribova «Yol», «Adsız», «Tıq-Tıq», «Dəli Domrul» , «Katarsis», «Balaca Şahzadə» tamaşalarına quruluş vermişdir.
Kəmalə «Şəbəkə», Anar «Qurban», Rüfət «Affekt» filimlərinə çəkilmişdir.
2006-cı ildə Azərbaycan Respublikasının əməkdar Artisti fəxri adına layiq görülmüşdür.
2007 - ci ildən Prezident Mükafatçısıdır.



Tarix: 05.04.2022 08:45:52
ölçüləri: 533 x 800 piksel
Şəklin həcmi: 257.33Kb
Rəylər: 5
Reytinq:
Baxılıb: 3930

Qiymətləndirmədə yalnız qeydiyyatlı istifadəçilər iştirak edə bilər.
Qeydiyyatdan keçin.